නව අමාත්‍ය මණ්ඩලය පත්කිරීම පිළිබඳ ජනාධිපති ගෝඨාභය රාජපක්ෂ මහතාගේ ප්‍රකාශය අද රාත්‍රියේ ප්‍රචාරය කෙරේ.
ජනාධිපති මාධ්‍ය අංශය (PMD) පවසන පරිදි, ජනාධිපතිවරයාගේ ප්‍රකාශය රාත්‍රී 07.30 ට සියලුම රූපවාහිනී සහ ගුවන්විදුලි නාලිකා ඔස්සේ ප්‍රචාරය කෙරෙනු ඇත.
නව අමාත්‍ය මණ්ඩලයක් පත් කළ ද රජයේ ඉහළ තනතුරු හතරක් නොවෙනස්ව පවතින බව ජනාධිපති මාධ්‍ය අංශය වැඩිදුරටත් පැවසීය.
ජනාධිපති ගෝඨාභය රාජපක්ෂ මහතාගේ විෂය පථය යටතේ පැවති අමාත්‍යාංශ නොවෙනස්ව පවතින අතර මහින්ද රාජපක්ෂ මහතා අග්‍රාමාත්‍යවරයා ලෙස කටයුතු කරනු ඇත.
මහාචාර්ය ජී එල් පීරිස් විදේශ කටයුතු අමාත්‍යවරයා ලෙස කටයුතු කරන අතර අලි සබ්රි මුදල් අමාත්‍යවරයා ලෙස තවදුරටත් කටයුතු කරනු ඇති බව ජනාධිපති මාධ්‍ය අංශය වැඩිදුරටත් සඳහන් කළේය.
For More Updates Follow US on FACEBOOK :
Comments
Post a Comment