අරලියගහ මන්දිරය අසල විරෝධතාකරුවන් සහ පොලිසිය අතර උණුසුම් තත්ත්වයක්, එක් අයෙක් තුවාල ලබයි
කොළඹ අග්‍රාමාත්‍ය නිල නිවස වන අරලියගහ මන්දිරය ඉදිරිපිට ඉදිකර ඇති රාජ්‍ය විරෝධී උද්ඝෝෂණ භූමියේ අද නොසන්සුන්කාරී තත්ත්වයක් වාර්තා වුණා.
පසුගිය දින කිහිපය පුරාවට අරලියගහ මන්දිරයට පිවිසීම අවහිර වන සේ පදික වේදිකාවේ නවතා තිබූ බස් රථයක ප්‍රදර්ශනය කර තිබූ පෝස්ටර් සහ බැනර් කිහිපයක් ඉවත් කිරීමට පොලිසිය උත්සාහ කිරීමත් සමඟයි මෙම සිද්ධිය සිදුව ඇත්තේ.
එහිදී පොලිසිය සහ විරෝධතාකරුවන් අතර නොසන්සුන්කාරී තත්ත්වයක් හටගෙන ඇති අතර එහිදී එක් විරෝධතාකරුවෙකු තුවාල ලබා ගිලන් රථයකින් රෝහල වෙත ප්‍රවාහනය කර තිබෙනවා.
අග්‍රාමාත්‍යවරයාට ඉල්ලා අස්විය යුතු බව කියමින් මහජනතාව උද්ඝෝෂණ භූමියක් පිහිටුවා තිබූ බැවින් පොලිසිය විසින් අරලියගහ මන්දිරයට පිවිසීමට බාධා කරමින් පදික වේදිකාවේ බස් රථ සහ ට්‍රක් රථ කිහිපයක් බලහත්කාරයෙන් නවතා තිබුණි.
මේ අතර, අරලියගහ මන්දිරය සමඟ පදික වේදිකාව අවහිර කරමින් පදික වේදිකාවේ නවතා ඇති බස් රථ සහ මහා පිරිත් සජ්ඣායනා කිරීම හේතුවෙන් මහජනතාව දැඩි අපහසුතාවයට පත්වන බව පවසමින් නීතීඥයින් පිරිසක් කොල්ලුපිටිය පොලිසියට පැමිණිල්ලක් කර තිබෙනවා. .
විරෝධතාවයේ දී මාරාන්තික උපවාසයක නිරත වූ පුද්ගලයකුගේ සෞඛ්‍ය තත්ත්වය අයහපත් වීම හේතුවෙන් උපවාසය අත්හරින්නැයි රතු කුරුස ආයතනය ද දැනුම් දී ඇත.
For More Updates Follow US on FACEBOOK :
Comments
Post a Comment